Pasintaj datoj 2015

Pasintaj datoj 2015

kursive = Aranĝo ne estas organizita de la Ratkaptista Bando, sed minimume 1 klubano partoprenas ĝin

????? = ankoraŭ ne certas

-

Koran dankon al ĉiuj, kiuj voĉdonis por La Ratkaptista Bando Esperanto-grupo Hameleno kiel Superklubo 2015!

La voĉdonado de la gazeto „Hallo Mittwoch“ / „Hallo zum Sonntag“ („Saluton merkredo“ / „Saluton al dimanĉo“) jam finiĝis la 14-an de oktobro. La ĵurio decidis kaj transdonis la premiojn al tri kluboj, kiuj ĉefe faras gravan laboron kun infanoj kaj junuloj: remklubo, sportklubo, arbara infanĝardeno. Jen raporto pri tio (en la germana:  http://www.hallo-hameln-pyrmont.de/artikel/2273/ruderer_sind_superverein_2015_.html 
La nombro de la voĉoj por ĉiuj unuopaj kluboj ne estis publikigita. Post demandado ni eksciis, ke nia klubo laŭ voĉoj estas en la supra triono. Tio estas granda sukceso por nia malgranda klubo. Koran dankon al ĉiuj, kiuj voĉdonis por ni!
Superrigardo pri la kandidatiĝantaj kluboj/asocioj en la regiono Hameln-Pyrmont: http://www.hallo-hameln-pyrmont.de/aktion/10/superverein.html
... kaj jen la priskribo de la Esperanto-grupo Hameleno, kiu aperis en la gazeto „Hallo Mittwoch“ („Saluton merkredo“) la 25-an de februaro 2015: http://www.hallo-hameln-pyrmont.de/aktion/10/superverein/149/esperanto-gruppe_hameln_undampquotla_ratkaptista_bandoundampquot.html
Koran dankon pro via partopreno kaj subteno!

... kaj jen mi tradukis la priskribon de al voĉdonado kaj la artikolon pri la Ratkaptista Bando Esperanten:

Voĉdonu nun por via Superklubo!

Nun ni startis la „varmegan“ fazon de nia konkurso „Superklubo 2015“. La voĉdonado komenciĝis. Tio signifas: Ĉiu leganto povas voĉdoni por unu el la 29 kluboj/asocioj, kiuj kandatiĝis. Post ĉiu klubo estas kampo, kiu povas esti markita. Nia voĉdonado estas ŝaltita dum 2 semajnoj (ĝis la 14-a de oktobro 2015). Per tio vi havas sufiĉe da tempo por subteni per via voĉo unu el la kandidatoj. Kiam la voĉdonado estos finita, krome ankoraŭ ĵurio rigardos la kandidatecojn kaj fine pritaksos ilin. La gajninto ricevos premion de 3000 eŭroj, la 2-a- kaj 3-a-ranguloj 2000 kaj 1000 eŭrojn por la kluba kaso. La gajnintoj estos informitaj de ni.

Dum pluraj monatoj ĉiun semajnon ni prezentis, respektive lasis prezenti sin unu klubon. Ĉiu interesita klubo en la subdistrikto Hameln-Pyrmont kaj la urbo Lügde povis partopreni, tute egale, ĉu temas pri sporta, hobia, hejmregiona, kultura aŭ patronema klubo/asocio. Ĉefe ni ĝojis, ke dum la prezentadoj videbliĝis, kiel intense la kluboj en nia regiono engaĝiĝas pri la junulara laboro kaj pri tio ankaŭ povas prezenti bonegan sukcesojn. Ni dankas al ĉiuj kluboj, kiuj kandidatiĝis.

Esperanto-grupo Hameleno (Hameln) „La Ratkaptista Bando“

La Hamelena Esperanto-grupo "La Ratkaptista Bando" ekzistas ekde pli ol 25 jaroj. Foto: private

Hameleno. La Esperanto-grupo Hameleno „La Ratkaptista Bando“, kiu kandidatiĝas por la Superklubo 2015, pripensis specialan formon por prezenti sin. Kvin demandoj kaj respondoj rezultas portreton de la klubo, kiu okupiĝas pri la arta monda lingvo.

Kio estas Esperanto? Esperanto estas facile lerneble, neŭtrala lingvo por la internacia interkompreniĝo, kiu estis evoluigita 1887 de la pola okulkuracisto Ludoviko Zamenhof. Ekde tiu tempo la lingvo internacie disvastiĝis kaj hodiaŭ estas parolata kaj skribata en multnombraj renkontiĝoj, kongresoj kaj en retaj forumoj. Per Esperanto oni tre facile povas kontakti homojn en la tuta mondo kaj sur la sama nivelo. Komencantoj jam post duona jaro povas esti kuraĝaj viziti la unuan renkontiĝon kaj konatiĝi kun la granda internacia Esperanto-komunumo.

Kiuj ni estas? Ni estas la Ratkaptista Bando kaj kune lernas kaj parolas Esperanton. Ni estas komunutila asocio kaj havas ĉirkaŭ 25 membrojn en kaj ĉirkaŭ Hameleno. . Nia klubo estas intergeneracia, la plej juna membro estas 17-jaraĝa, la plej maljuna 102-jaraĝa. En la jaro 2012 ni povis festi la 25-jaran jubileon de nia klubo per granda Esperanto-koncerto.

Kion ni faras? Ni renkontiĝas ĉiun merkredon en Hameleno, alterne en la kulturcentroj Sumpfblume kaj  Freiraum. Ĉi tie ni lernas kaj parolas la lingvon kaj planas niajn venontajn aktivecojn. Ni regule akceptas Esperanto-gastojn el eksterlando, organizas prelegojn, informaranĝojn kaj ekskursojn. Unufoje dum la jaro ni organizas la „Ratan Rendevuon“, ekskurson kun la najbaraj Esperanto-grupoj. Krome niaj membroj regule veturas al kongresoj kaj seminarioj enlanden kaj eksterlanden, kiel ekzemple la Eŭropa Esperanto-Kongreso.

Kion ni planas por la jaro 2015? Dum la pentekosta semajnfino okazos en Hameleno la Germana Esperanto-Kongreso. Tiam renkontiĝos ĉirkaŭ 150 Esperanto-parolantoj el la tuta mondo en la Elisabeth-Selbert-lernejo por partopreni prelegojn, koncertojn, ekskursojn, ktp. Ni organizsas riĉan kulturan programon, interalie ankaŭ publikan koncerton en la Sumpfblume kun litova Esperanto-bando.

Kiel mi povas partopreni? Se vi volas konatiĝi kun la multfaceta kaj viva Esperanto-kulturo: Interesitoj ĉiam estas bonvenaj ĉe ni. Ni regule organizas lingvo-kursojn por komencantoj.

Pliajn informojn pri la klubo kaj pri Esperanto vi trovas en la reto sub www.esperanto.de/hameln.

La retpaĝaro de la Esperanto-grupo Hameleno estas aktualigata ekde komenco de 2015. Per la ligo http://arkivo.esperanto.de/hameln vi ankoraŭ atingas la malnovajn paĝojn. 

Koran bonvenon!