Aktivadoj

Esperanto-Ligo por Kristanoj en Germanio r.a. (EKG) estas la landa sekcio de Kristana Esperantista Ligo Internacia (KELI) kaj faka ligo de Germana Esperanto-Asocio.

Al la internacia laboro apartenas la subteno de
Ekumenaj Esperanto-Kongresoj(link is external) kaj Kristanaj Esperanto-Kongresoj(link is external).
Krome ni havas kontaktojn al Afrikaj Kristanoj, kiuj praktikas kaj disvastigas Esperanton. Ni ankaŭ koletas donacojn por ili kaj iliaj projektoj.

En Germanujo la Ligo celas, krei kontaktojn inter Esperantistaj Kristanoj.
Ni invitas, partopreni en niaj aranĝoj, precipe en la ĉiujaraj Bibliaj Tagoj (vidu sube), sendepende de la konfesio aŭ privataj konvinkoj; gravas por ni la sento, esti komune survoje al la Dio de Jesuo.

Ni provas, organizi diservojn kadre de Germanaj kaj internaciaj Esperanto-aranĝoj kaj uzas komune la kant- kaj -preĝo-libron "Adoru".
Por tio ni bezonas ĉiam helpantojn, egale, ĉu viroj aŭ virinoj. Krome mankas al ni nuntempe katolika sacerdoto, kiu povas jen kaj jen celebri meson en nia rondo.

En la Kristana publiko ni informas precipe evangelianojn pri Esperanto. Per malalta membrokotizo vi subtenas nian laboron.
Membroj ricevadas la revuon "Dia Regno" (6-foje jare en Esperanto) kaj ĝuas rabaton por partopreni en la Bibliaj Tagoj.
Kiel faka ligo de Germana Esperanto-Asocio ni regule kunlaboras kun tiu, plie kun Internacia Katolika Unuiĝo Esperantista (IKUE).

Jen aktualaj aktivadoj:

Bibliaj Tagoj de la 19a ĝis la 23a de marto 2025 en Kaub ĉe l' Rejno.

Komisiitoj:
Religia kadra temo: pastro Wolfram Rohloff,
Muzika kadro de la komunaj preĝado kaj kantado el "Adoru": Stefan Lepping
Turista programo: Ulrich Matthias
Ĝenerala organizado kaj financoj: Rudolf Fischer

Jen elŝuteblas la aliĝilo.
Kiu jam pli frue partoprenis, ties datumoj estas ja konataj. Necesas tiam nur malformala aliĝo kun indiko de eventualaj ŝanĝoj al rudolf.fischer[@]esperanto.de -
kaj kompreneble ĝiri la pagon ;-) 

*** stato de 2025-03-15: 1 ĉambro ankoraŭ libera ***

Provizora Programo (ŝanĝoj eblas):

Kadra temo: "Jozefo kaj liaj fratoj..." - Genezo, ekde ĉapitro 37. Rakonto pri interhomaj abismoj kaj benoj

La partopreno en la unuopaj programpunktoj estas kompreneble libervola. Dum pasintaj Bibliaj Tagoj la plimulto de la partoprenantoj estis kristanoj el diversaj eŭropaj landoj kaj eklezioj, sed ne nur: Bonvenas ĉiu, kiu ŝatas diskuti kaj lerni pri religio aŭ Biblio.

2025-03-19, merkredon
ekde 15h00 akcepto de la gastoj, disdono de la ĉambroj
18h30 vespermanĝo
20h00-20h30 vespera preĝo
20h30 (speciala vespera programero, ankoraŭ fiksota)
poste: senceremonia kunesto / babilado

2025-03-20, ĵaŭdon
7h30 matenmanĝo
8h30-9h30 matena preĝo kaj kantorondo
9h45-11h45: sinprezenta rondo, poste la biblia temo
11h45-12h00 tagmeza preĝo
12h15 tagmanĝo
14h00-18h00 ekskurso: Ni planas veturi ĵaŭde per trajno al St. Goarshausen (8 min)
kaj suprengrimpi de tie sur la mondfaman rokon Loreley (kiun ne-grimpemuloj povos atingi ankaŭ per buso aŭ aŭto).
18h30 vespermanĝo
20h00 Kristana Di-servo kun sankta manĝo
alternative/poste: senceremonia kunesto / babilado

2025-03-21, vendredon
7h30 matenmanĝo
8h30-9h30 matena preĝo kaj kantorondo
9h45-11h45 Biblia temo
11h45-12h00 tagmeza preĝo
12h15 tagmanĝo
13h45 ekskurso: Ni planas iri vendrede per pramŝipo kaj 40-minuta migrado laŭlonge de la Rejno al la belega mezepoka urbeto Oberwesel.
Ni tie promenos sur la urba muro kaj vizitos du famajn preĝejojn el la 14-a jarcento, ambaŭ ekipitaj de
arthistorie tre valoraj altaroj, pentraĵoj, freskoj, skulptaĵoj kaj epitafoj precipe el la 14-a ĝis 16-a jarcento - la Preĝejon de Nia Sinjorino (Liebfrauenkirche) kaj la Preĝejon de Sankta Marteno.
18h45 vespermanĝo
19h30-20h00 vespera preĝo
20h00-21h30 (eble speciala vespera programero, ankoraŭ fiksota)
alternative/poste: senceremonia kunesto / babilado

2025-03-22, sabaton
7h30 matenmanĝo
8h30-9h30 matena preĝo kaj kantorondo
9h45-11h45 Biblia programo
11h45-12h00 tagmeza preĝo
12h15 tagmanĝo
14h00-16h30 ekskurso: Ni planas viziti sabate per pramŝipo la Burg Pfalzgrafenstein sur insuleto en la Rejno - doganan burgon el la frua 14-a jarcento.
17h00 dulingva (Esperanto-Germana) Di-servo en la evangelia preĝejo de Kaub
18h30 vespermanĝo
19h30-20h15 membrokunveno de "Esperanto für Christen in Deutschland e.V.", Germana sekcio de KELI
alternative/poste: senceremonia kunesto / babilado

2025-03-23, dimanĉon
7h30 matenmanĝo
8h30-9h15 matena preĝo kaj kantorondo
9h30 tempolimo por forlasi la ĉambron (do, paku jam antaŭe, deponejo por valizoj)
9h30 Biblia temo
11h00 dulingva (Esperanto-Germana) Sankta Meso en la katolika preĝejo de Kaub
12h15 tagmanĝo, adiaŭo

Informstando ĉe la 39a Germana Evangelia Foiro de la 30a de aprilo ĝis la 4a de majo 2025 en Hannover

Retrorigardo:

Bibliaj Tagoj de la 13a ĝis la 17a de marto 2024 en Neustadt an der Weinstraße/Palatinato.

Informstando ĉe la 38a Germana Evangelia Foiro de la 7a ĝis la 11a de junio 2023 en Nürnberg

72a Kristana Kongreso de la 5a ĝis la 12a de aŭgusto 2023 en Białystok/Polujo.

Bibliaj Tagoj je 2023-03-08/12 en la Romia urbo Treviro

Pliaj antaŭaj aktivadoj:

• 2021-05-12/16: 3aj Ekumenaj Ekleziaj Tagoj en Frankfurt/Majno: Nia informstando nuligita pro la pandemio!
• 2021-02-24/28: La Bibliaj Tagoj en Trier ne povis okazi pro la pandemio
• 2020-03-25/29: La Bibliaj Tagoj en Esperanto - refoje en Mainz - pro la virusa krizo ne povis okazi
• 2019-06-19/22: Esperanto-informstando kadre de la Germana Evangelia Ekleziokonferenco en Dortmund
• 2019-02-27/03-03: Bibliaj Tagoj en Esperanto - refoje en Mainz
• 2018-05-09/13: Esperanto kadre de la Katolikaj Tagoj kun la moto "serĉu pacon" en Münster/Vestf.
• 2018-03-07/11: Bibliaj Tagoj en Mainz
• 2017-02-01/05: Bibliaj Tagoj en Wittenberg, la urbo de Luther
• 2017-08-07/14: Kristana Esperanto-Kongreso en Zöblitz/Saksujo

Aliaj pasintaj aktivadoj:

Eldonado de Kristana literaturo, ekz. de la ampleksa preĝo- kaj kanto-libro ADORU(link is external) ("Bete(t) an"). Ĝi havas 1.472 paĝojn kaj aperis en junio de 2001. Oktobre de 2002 ĝi ricevis la kulturpremion de la urbo Aalen.

Kune kun IKUE aperigis KELI en oktobro de 2006 novan eldonon de la biblio en Esperanto(link is external), kiu enhavas ankaŭ la malfruaj libroj de la Malnova Testamento. Oni povas mendi ĝin por 19,80 € ĉe Rudolf.Fischer[@]esperanto.de